Ingredientes
(4 persoas)
- Agulla de poldro galego 100×100 raza autóctona (1 kg)
- 3-4 cenorias
- ½ kg de fabas verdes
- 1 cebola
- 300 g de cogomelos de tempada
- Romeu
- 1 tomate
- 8-10 dentes de allo
- 2 vasos de viño branco
- Aceite de oliva
- Sal
- Pementa
- 4 patacas grandes (para puré)
- 100 ml de leite
Modo de preparación:
- Cortamos a agulla de poldro en anacos pequenos e salpementamos.
- Nunha tixola botamos un chorriño de aceite de oliva e douramos a carne.
- Lavamos, pelamos e partimos a cebola, os allos, as cenorias e o tomate. Botámolos nunha tarteira con aceite de oliva e refogamos durante uns 5 minutos.
- Incorporamos as fabas e refogamos a lume medio 2 minutos máis.
- A continuación incorporamos os cogomelos previamente lavados e partidos. Seguimos refogando outros 3 minutos.
- Colocamos a carne na tarteira e removemos todo durante un minuto.
- A continuación botamos 2 vasos de viño branco, removemos e deixamos que se cociñe a lume medio durante uns 20-30 minutos. Se vemos que o viño se evapora demasiado pronto, corrixiremos cun vaso de auga.
- Para facer o puré lavamos, pelamos e troceamos catro patacas grandes.
- Botámolas nun cazo con auga e sal e fervémolas durante media hora.
- Retiramos as patatas e pasámolas polo pasapuré. Engadimos manteiga.
- Quentamos leite unnha cazola.
- Engadimos 100 ml de leite ás patacas e removemos ata que teña a textura axeitada.
- Tras media hora a carne xa estará lista e poderemos empratar. Primeiro cubrimos un lado co puré de pataca facendo forma de media lúa. Logo imos cubrindo o que falta coa carne de poldro asada.
E feito isto, só queda gozar! E lembra que na nosa páxina podes coñecer máis receitas, descubrir todo sobre as propiedades da carne de poldro e coñecer o seu corte e despezamento.