Solombo de poldro galego 100×100 raza autóctona con castañas

Receitas / Por
Receita de solombo de poldro galego 100x100 raza autóctona con castañas
Receita de solombo de poldro galego 100x100 raza autóctona con castañas
Receita de solombo de poldro galego 100x100 raza autóctona con castañas

Ingredientes (para 4 personas)

  • 2 solombos de poldro galego
  • 400 g de castañas
  • 1 cebola
  • 8 dentes de allo
  • 1 vaso de viño branco
  • Romeu
  • Sal
  • Pementa
  • Aceite de oliva virxe

Imos cunha rica suxerencia outonal: solombo de poldro con castañas. Se te manexas ben co forno, esta receita resultarache moi sinxela. Vexamos como se prepara.

Modo de preparación:

  1. Comezamos bridando a carne de poldro co romeu. Facémolo cun cordón de cociña. Este paso é opcional pero axudaranos posteriormente para realizar os cortes.
  2. Salpementamos ao gusto e enzoufamos a carne con aceite de oliva virxe. Estendemos o sal e a pementa por toda a carne.
  3. Nunha bandexa para o forno, colocamos cebola picada á xuliana, os dentes de allo picados e as castañas.
  4. Colocamos a carne unha bandexa e botamos un vaso de viño.
  5. Metémola no forno prequentado a 200º.
  6. Deixamos que se ase durante 10-15 minutos. Despois baixamos a 180º e seguimos asando durante outros 30 minutos. Dámoslle a volta á carne cando pase a metade deste tempo.
  7. Unha vez estea lista, sacamos a bandexa e deixamos repousar uns minutos.

Para a presentación, cortamos os solombos en sentido transversal, colocámolos no prato e colocamos á beira un par de castañas. Cunha culler, botamos a salsa resultante da cocción no forno.  E lembra que na nosa páxina podes coñecer máis receitas, descubrir todo sobre as propiedades da carne de poldro e coñecer o seu corte e despezamento.